Kjøkken

Spørsmålet er vel kor mykje vi skal legge i kjøkenet?

Det beste hadde sjølvsagt vore eit spesiallaga kjøken frå Kvänum. Passer perfekt til huset og stilen syns eg. Dei er berre såå fine!!



Men vi må vel tenkje realistisk, og eg har teikna utkast til kjøken på IKEA kjøkkenplanlegger. Brukte typen Ädel i kvit. Likar godt fleire av deira kjøken også, men det er liksom alle som har eit kjøken frå IKEA no. Vi får sjå kor mykje vi har å rutte med når det nærma seg. Tenkte å stikke ein tur innom Kvänum i Bergen, når vi likevel skal ned ein tur iløpet av nærmaste mnd.

Slik eg har teikna det, så har eg fjerna døra inn til vaskerommet for å få meir plass. Eg har også satt inn eit spisskammers istadenfor kjøleskap, fordi vi ikkje har plass til kjølerom eller liknande i huset. Eg ynskjer heller ikkje å ha nokon overskap, litt pga plassmangel med alle vindua, men også fordi eg syns det er fint og luftig slik. Inne i hjørnet blir der plass til kokebøker og ev. kaffemaskin/ kjøkkenmaskin som står framme. Eg har i utgangspunktet lyst på enda større kjøkkenøy, men det kan bli litt trangt. Kom gjerne med innspel:) Eg ser meg blind!!

Tomta klar for grunnmur

I november i fjor, var vi ferdig å grave tomta. Det var hærlig at noko skjedde!

Det tok ca ei veke å grave og fylle opp tomta med steinmasse og pukk. Takket være kjære Kenneth, så gjekk det unna så det fauk etter:) Vi fekk også mykje hjelp med onkel Arnljot, som ofra fleire dagar i steinbruddet på garden. Det blei meget bra. Snøen kom ikkje lenge etter at vi var ferdige å grave. No går vi berre å venta på at snø og frost skal forsvinne, og vi kan få sette opp den flotte grunnmuren vår. Vi er såå klare.




Det som skjer no er at vi vurderer tilboda frå entrepenørar, og må bestemme oss for detaljane som skal være med i tilboda. Det er to aktuelle entrepenørar, og dei har litt ulik innfallsvinkel. Må vel snart bestemme oss!

Det vi tenkjer å gjere sjølv av eigeninnsats er blant anna tapetsering, listing, legging av tregolv og vannbåren varme, maling av panel(lika ikkje fargane på dei ferdigmala platene), alt elektrisk, maling av huset utvendig og utskjæringane. Vi skal også kjøpe inn og sette opp kjøkken- og badeinnredningane sjølv.

"Surfing" på IKEA

Sidan vi var i Trondheim likevel, og budde like ved IKEA, så måtte vi berre innom å snuse litt på kva som kan kjøpast når huset står ferdig:)

Published with Blogger-droid v1.6.5

Innreiing i 3D

Ved hjelp av eit program som heite Viseno 3D innredning har eg fått innreia heile huset vårt i 3D. Kjempeenkelt og morsomt program, og ikkje minst heilt gratis:) Programmet ligg på viseno.no. Om nokon vil kike inn på det eg har gjort kan du fylgje denne lenka. Her har eg tatt bilder av romma, slik at ein lettare får eit inntrykk av korleis det blir sjåande ut. Vi skal sjølvsagt ikkje ha akkurat dei møblane eg har brukt her nødvendigvis, men plasseringa er slik eg kan tenke meg det.

Siste og forhåpentlegvis siste utkast av husteikningane:)

Begynner å bli ganske fornøgd med husteikningane no:) Dette er 4. og forhåpentligvis siste utkast. Har vore mykje fram og tilbake. Arkitekten likte idèen min med walk-in garderobe mellom hovudsoverommet og badet på loftet. Badet blei litt mindre enn eg tenkte, men trur nok at det blir stort nok. Etter ein del tilbakemeldingar og diskusjonar, kom eg også tilslutt fram til at loftstova burde være i tilknytning til balkongen, men det hadde sikkert vore supert å hatt soverommet vårt der også;) Det einaste som kan bli litt domt på loftet er at døra til badet ligg midt i loftstova, men får prøve å innrede slik at det er lett å kome seg forbi alle møblane. Hovudetasja er det berre små endringar på, og eg er fortsatt like fornøgd med løysinga.



Ellers har vi endra litt på fasaden. Eg hadde veldig lyst å få plass til vinduer i andre etasje nedover og oppover, og ved å minke takvinkelen greidde vi å få plass til nokre koselige vindu heilt oppe i mønet. Det slepp inn litt meir lys og gjer at vi kan sjå litt av den vakre utsikta frå badet og eine soverommet også.



I utgangspunktet ville vi ha diamantvindu på sidene i 2 etasje, men fekk arkitekten til å lage eit utkast med andre typer vindu. Personleg syns eg framleis at det kler stilen best med diamantvindu, men vil gjerne høyre kva andre syns om det?

Nydelig tapet!

I dag he e lagt på sofan å berre lata meg. Då passa det fint at det kom "Vakre hjem" i posten. Fant blant anna dinna nydelige tapeten frå Zoffany, og den hadde absolutt gjort seg på kjøkkenet i nye huset vårt!! Det helde kanskje å ha det på eine veggen? Likte at det var litt antikke, nøytrale farga, men samtidig blå fugla som eg kan ta igjen i innreiinga. Ooo! Gleda me sånn!!

Første utkast av huset!

Endelig har vi fått gjort noko fornuftig. Ting gjekk litt treigt med oss, men i mars var vi på besøk med ei god venninde i Moss, og ho råda oss til å stikke innom EKS design i Askim. I veska mi hadde eg tilfeldigvis med egne skisser av fasade og planløsningar, og EKS tok jobben med å teikne huset. Rett før påske fekk vi tilsendt første utkast, og i dag gav vi en del tilbakemeldingar på ting vi vil endre litt på. Legg ut nokre av bilda, og det hadde vore veldig kjekt med tilbakemeldingar på løsningane:) Vi er stort sett fornøgd, men det er alltid ting en kan forbedre eller ting en ikkje har tenkt på. Får nye teikningar med forbedringar iløpet av denne veka eller i begynnelsen av neste veke.



Fasaden er vel ganske standard egentlig. Det som er litt spesielt er kanskje glasverandaen og påbygget. Påbygget ville eg ha for å få plass til eit soverom i 1 etg, og dermed møte krava til livsløpstandard.

Når det gjeld planløsningane, så er dette noko eg har komt fram til ved å kike på mange ulike ferdighus. Eg har ynskje om eit stort kjøkken/allrom, stort vaskerom og hovudsoverom med tilgang til veranda.

Midlertidig bopel

Mens vi venta på noko bedre kan eg vise fram korleis vi he det der vi bor midlertidig. Det er i kjelleren til onkelen min. Har pussa opp litt, men orka ikkje legge meir energi i det. Bruka heller energi på nytt hus trur eg. Syns no vi he fått det ganske koselig då:)

Kva skjer med huset?

Joda, ting skjer faktisk. Sakte men sikkert. Vi har kontakta eit firma som heite EKS design as, som spesialisera seg på sveitserhus. Dei teikna sveitserhus og alle detalja/utskjæringa, og dei produsera alt frå vindusramme, mønepynt til rekkverk. Dei har sendt oss litt teikningar og prisoverslag, og det virka faktisk ikkje heilt avskrekkande. Vi får rekne på det og sjå kva vi finn ut. Mykje å tenke på!!

Interiørtrend

Wabi sabi er visst den nye interiørtrenden. Det skal være enkelt, naturlig og uten krav til perfeksjonisme. "Ingenting varer, ingenting er ferdig og ingenting er perfekt". Det går mykje på å ta vare på og resirkulere gamle møbla, men samtidig er det viktig å ikkje ha for mange ting rundt seg. Dinna trenden her kan passe meg godt trur eg. Kan lese meir om trenden her.

Her går det fole seint framover. Heller litt bakover..

Trudde vi hadde funne huset vi ville ha, men slik var det ikkje. Etter å ha teikne litt om huset for å passe til skråtomt, så var det liksom ikkje same huset lenger. Vi har derfor begynt litt på scratch igjen med å finne huset vi vil ha. Sidan eg har fått heilt dilla på alt som har med sveitserstil å gjere no, så har eg fryktelig lyst å bygge eit meir "riktig" sveitserhus. Magne e med på det meste;)

Har leita og leita på nettet etter hus eg lika, og trur nok det må bli eit arkitektteikna hus(om det ikkje blir uoverkommeleg pris). Vi må kanskje gjenke oss eit par hakk når det gjeld størrelse og standard på huset, men det må være mest mogleg gjennomført syns eg. Glasveranda går eg iallefall ikkje vekk frå. Det skal vi ha!!

Nokre eksempel på flotte hus under. Vil gjerne ha to etager på flattomt(men då kan ikkje huset være for høgt), med glasveranda i nederste etage.