Julefeiring i nyhuset

Eg er veldig lei for at eg ikkje greier å følge opp bloggen min slik som eg hadde ynskt. Eg har vore ekstremt lat no etter jul, og ikkje gjort ein ting i huset. Det blei liksom meir enn nok før jul, for å få ferdig badet på loftet og gjere huset klart til masse overnattingsgjesta. Det blei ei super julefeiring!! Heile familien min frå Stranda feira jul her hos oss i tillegg til svigerforeldra mine. Eg har vore heilt elendig på å ta bilder også, men her kjem litt stemningsbileter frå jula:)

Eitt av to juletre

Pynta julebord

Endelig bruk for sølvbestikk og fineglas:)

Enkelt med lys og granbar

Hekla serviettringar

Ein av mine favorittmøbel er den gamle skyvesenga vi fekk med svigermor, og som har fått plass midt i stova vår. Den vart hyppig brukt i jula. Senga er berre heilt genial, og fantastisk god å kvile middag i!

Sengemøblar

No har eg hatt ein lat søndag så langt, så då kan eg like godt blogge litt før eg begynner å rydde oppe på kontoret/ hobbyrommet. Skal på bursdagsbesøk også i dag, til bestemora mi:)

Som dokke kanskje har forstått så har eg ein forkjærlighet for gamle møblar, og eg er ikkje verre på det enn at eg har ordna med gamle sengemøblar også. Mormor og besten på Stranda hadde ståande både seng, sminkebord og eit skap som passa perfekt inn på vårt soverom. Møblane har veldig spesiell farge og mønster. Eg tenkte fyrst å male det kvitt, men likar møblane eigentleg veldig godt slik dei er.

På gjesterommet i fyrste etasje har eg også fått på plass gamle sengemøblar. Desse har bestefar laga i si tid, og fargen er berre nydelig syns eg. Eg har alltid tenkt at desse møblane har eg fryktelig lyst på når eg blir stor, og jammen gjekk det slik:)

Fuglerommet

Gjesterommet i andre etasje har fått navnet "Fuglerommet" pga den blå fugletapeten. Eg syns det har blitt kjempekoselig der, og Falsterbo-tapeten frå BoråsTapeter er berre nydelig!!  Det er det einaste rommet i huset som er ferdig lista, utanom badet i fyrste etasje.

Artig stol vi arva frå mormor og besten.

Amerikakoffert. 

Gjestesenga med "Sov godt" puter vi fekk i gåve.

Nattbord kjøpt på loppisbutikk.

Skjønn blå stol. Også arvegods.

Stova vår

Stova vår er på langt nær ferdig enda, men vi har prøvd å gjere det litt koselig likevel:) Vi har begynt å få på plass litt lister langs golvet og vi har fått det viktigste (sofa og tv) på plass. Dei fleste møblane vi har er antan arva, kjøpt på loppis eller IKEA. Tenkte egentlig å male ein del møbler (som retro-skapa), men syns egentlig at det er litt koselig med ulike fargar. Utfordringa er liksom å få alle typer møbler og farger til å sjå bra ut ilag. Det er kjempekjekt!

Elska sjeselongane frå IKEA, ilag med arva nattbord:)

Tv-sofa frå IKEA ilag med arva puff, lampe og bilde.

Tv-kroken blei ganske koselig faktisk:)

Retro-skap, IKEA-teppe, arva/loppis-stolar.

Det finaste møbelet vi har i stova er vel senga vår. Den kjem inna Skaret, der svigermor vaks opp. Ho var så snill og gi den til oss:) Med hjelp av ei porolonmadrass som eg klipte til, eit gamalt sengeteppe, masse IKEA-puter og saudeskinn så blei det ein skikkelig kosekrok på stova. Planen er å henge opp ein måneskinslampe med stearinlys i hjørnet over senga. 

Gamal og fin seng.

Kosekrok:)

På tide med ei oppdatering?

Etter ein laaang pause frå blogginga er eg tilbake:) Lysta til å blogge har vore fråværande i det siste, men håper det tek seg litt opp no når ting begynner å kome meir på plass.

Eg får begynne med kjøkenet, som er so og seie ferdig. Etter mykje om og men, og litt fram og tilbake har nesten alle skapdører, bankplater (som måtte limast på nytt) og lister kome på plass. I haustferien prøvde eg meg på "ting eg ikkje kan". Eg tok skeia i eiga hand og flisla over kjøkenbenken. Ved hjelp av fliskryss, flissnor, vanleg vater og laservater blei det meeeget beint og fint om eg får seie det sjølv. Var egentlig ganske artig:) Eg har ikkje fått fuga enda, og valget står mellom lys grå fuge og grå fuge. Kva trur dokke? Syns mursteinsmønsteret var så fint at eg vil det skal vise..

Her kjem litt fleire bilder av kjøkenet, eller allromet. Det er utruleg deilig at ting begynner å kome på plass.

Garderobe

I helga har vi fått opp skap i walk-in-garderoba. Kjøpte PAX-garderobe på IKEA. Det var ganske enkelt og greit, og vi syns det blei eit bra resultat. Håper å få begynne å flytte inn kle snart no:) Det er kjekt å endelig få gjere litt "kose"-arbeid.

IKEA-montør;)

Jaudå! Det skjer, det skjer..

Det er vanskeleg å få tid til blogging for tida. Det går i eitt med jobb og hus. Forrige helg var vi ein tur heim til Stranda, og då henta vi med oss masse gamle møbler og ting. Sidan møblane er ganske gamle og nedstøva så blei det litt banking og støvesuging før vi kunne ta dei med inn. Skikkelige biler av møblane kjem ein annan gong:)

Forrige veke kom endeleg kjøkenet vårt frå Espe Trevarer. Eg var kjempespent, men det var veldig vanskelig å forsetille seg korleis det egentleg såg ut ferdig oppsatt. Det kom i modular, men vi må setje saman kjølehjørnet og høvle til soklane (pga skeivt golv) før vi kan begynne å setje det opp. Har litt av ein jobb foran oss trur eg..

På onsdag kjem ein kar og skal flislegge badet vårt i fyrste etasja, så i går kveld og i dag har eg smørt på membran på golvet (veggane har vi tatt tidlegare). Må opp igjen tidleg i morgo(før jobb) å ta eit strøk til med membran, for at det skal tørke til flislegginga onsdag..phu! Sliten no!!