tirsdag 29. januar 2013

Julefeiring i nyhuset


Eg er veldig lei for at eg ikkje greier å følge opp bloggen min slik som eg hadde ynskt. Eg har vore ekstremt lat no etter jul, og ikkje gjort ein ting i huset. Det blei liksom meir enn nok før jul, for å få ferdig badet på loftet og gjere huset klart til masse overnattingsgjesta. Det blei ei super julefeiring!! Heile familien min frå Stranda feira jul her hos oss i tillegg til svigerforeldra mine. Eg har vore heilt elendig på å ta bilder også, men her kjem litt stemningsbileter frå jula:)

Eitt av to juletre

Pynta julebord

Endelig bruk for sølvbestikk og fineglas:)

Enkelt med lys og granbar

Hekla serviettringar


Ein av mine favorittmøbel er den gamle skyvesenga vi fekk med svigermor, og som har fått plass midt i stova vår. Den vart hyppig brukt i jula. Senga er berre heilt genial, og fantastisk god å kvile middag i!




tirsdag 13. november 2012

Baderomsfliser


I dag har vi bestilt golvfliser til badet i 2 etasje:) Og det var selvfølgelig ikkje eit lett valg!! Vi har vore veldig fram og tilbake på kva vi skal velge. Eg vil gjerne ha det enkelt, men samtidig skal det være veldig spesielt (Bombe!). Veggflisene har vi bestilt for leenge sidan. Det er metrofliser, som vi skal legge i mursteinmønster:)

Metrofliser eller subwayfliser

Eg fant ut at når vi allerede har ein del svart og kvitt ellers i huset, så måtte vi ta igjen stilen på badet oppe også. Valget falt difor på svarte og kvite Ottagonafliser frå dekora.se. Dei ser kjempelekre ut på biletet. Håper berre dei er like fine i verkelegheita;)


Ottagona


Flisleggarane kjem heldigvis ikkje før i slutten av november, men vi har nok å henge fingrane i. Vi har enda ikkje komt skikkelig igang med å legge membran, og ikkje bestemt oss for noko baderomsinnredning...hjelp!

Ha ei god natt folkens:)


lørdag 3. november 2012

Dagen i dag..

I dag har vi komt igang med badet vårt i 2 etasja..endelig!! Vi må ha badet ferdig til jul, for då kjem heile familien min på besøk. Vi la varmekablane sjølv, men leigde nokon til å støype golvet. Resultatet kan du sjå under. I morgon skal eg begynne å legge membran på veggane, og det haster med å få bestilt golvfliser, baderomsinnredning og dør. Badet MÅ være klart for flislegging om to veker...phu!!




Badet har til no vore brukt som ei stor bod, og vi brukte ein heil kveld på å rydde unna alt rotet. Sidan vi då ikkje hadde nokon plass å gjere av alt som stod på badet, måtte vi ty til kontoret og gjesterommet vårt. Huff og huff, kor skal vi gjere av alt saman?



søndag 21. oktober 2012

Sengemøblar


No har eg hatt ein lat søndag så langt, så då kan eg like godt blogge litt før eg begynner å rydde oppe på kontoret/ hobbyrommet. Skal på bursdagsbesøk også i dag, til bestemora mi:)

Som dokke kanskje har forstått så har eg ein forkjærlighet for gamle møblar, og eg er ikkje verre på det enn at eg har ordna med gamle sengemøblar også. Mormor og besten på Stranda hadde ståande både seng, sminkebord og eit skap som passa perfekt inn på vårt soverom. Møblane har veldig spesiell farge og mønster. Eg tenkte fyrst å male det kvitt, men likar møblane eigentleg veldig godt slik dei er.








På gjesterommet i fyrste etasje har eg også fått på plass gamle sengemøblar. Desse har bestefar laga i si tid, og fargen er berre nydelig syns eg. Eg har alltid tenkt at desse møblane har eg fryktelig lyst på når eg blir stor, og jammen gjekk det slik:)





lørdag 20. oktober 2012

Utskjæringar på bislaget


I dag fekk vi endeleg utskjæringane til bislaget på plass:) Vi har hatt dei liggande lenga, men entrepenøren kom aldri å fekk dei på plass. Magne tok saka i eigne hender i dag og jammen blei det bra. Det er frest inn monogrammet vårt "AM", og året huset var ferdigstilt "Anno 2012". Vi tenkjer å male bokstavane og tala det ein annan farge etterkvart, slik at det blir tydlegare det som står der.


Bislaget med utskjæringane på plass.

Monogrammet vårt.

Anno 2012.


Fuglerommet


Gjesterommet i andre etasje har fått navnet "Fuglerommet" pga den blå fugletapeten. Eg syns det har blitt kjempekoselig der, og Falsterbo-tapeten frå BoråsTapeter er berre nydelig!!  Det er det einaste rommet i huset som er ferdig lista, utanom badet i fyrste etasje.


Artig stol vi arva frå mormor og besten.

Amerikakoffert. 

Gjestesenga med "Sov godt" puter vi fekk i gåve.

Nattbord kjøpt på loppisbutikk.

Skjønn blå stol. Også arvegods.

torsdag 18. oktober 2012

Stova vår


Stova vår er på langt nær ferdig enda, men vi har prøvd å gjere det litt koselig likevel:) Vi har begynt å få på plass litt lister langs golvet og vi har fått det viktigste (sofa og tv) på plass. Dei fleste møblane vi har er antan arva, kjøpt på loppis eller IKEA. Tenkte egentlig å male ein del møbler (som retro-skapa), men syns egentlig at det er litt koselig med ulike fargar. Utfordringa er liksom å få alle typer møbler og farger til å sjå bra ut ilag. Det er kjempekjekt!

Elska sjeselongane frå IKEA, ilag med arva nattbord:)

Tv-sofa frå IKEA ilag med arva puff, lampe og bilde.

Tv-kroken blei ganske koselig faktisk:)

Retro-skap, IKEA-teppe, arva/loppis-stolar.


Det finaste møbelet vi har i stova er vel senga vår. Den kjem inna Skaret, der svigermor vaks opp. Ho var så snill og gi den til oss:) Med hjelp av ei porolonmadrass som eg klipte til, eit gamalt sengeteppe, masse IKEA-puter og saudeskinn så blei det ein skikkelig kosekrok på stova. Planen er å henge opp ein måneskinslampe med stearinlys i hjørnet over senga. 

Gamal og fin seng.

Kosekrok:)

mandag 15. oktober 2012

Historiske fliser!


Endelig har vi fått rydda og flislagt hallen vår!! Hallen har vore eit skikkelig roterom, som har ødelagt fyrsteinntrykket av huset. Så no har vi rydda alt opp på det uferdige badet i 2.etasje istaden;)





Vi har flislagt golvet med fliser frå historiske.no, og flisene heiter "Liten norsk stjerne". Det er ein del ekstraarbeid med å legge og impregnere dei, men til gjengjeld ser dei utruleg flotte ut og varer visst i fleire hundre år! Vi er ikkje ferdige å impregnere og fuge enda, men vi er kjempefornøgd med valg av fliser!!!       






På tide med ei oppdatering?


Etter ein laaang pause frå blogginga er eg tilbake:) Lysta til å blogge har vore fråværande i det siste, men håper det tek seg litt opp no når ting begynner å kome meir på plass.

Eg får begynne med kjøkenet, som er so og seie ferdig. Etter mykje om og men, og litt fram og tilbake har nesten alle skapdører, bankplater (som måtte limast på nytt) og lister kome på plass. I haustferien prøvde eg meg på "ting eg ikkje kan". Eg tok skeia i eiga hand og flisla over kjøkenbenken. Ved hjelp av fliskryss, flissnor, vanleg vater og laservater blei det meeeget beint og fint om eg får seie det sjølv. Var egentlig ganske artig:) Eg har ikkje fått fuga enda, og valget står mellom lys grå fuge og grå fuge. Kva trur dokke? Syns mursteinsmønsteret var så fint at eg vil det skal vise..





Her kjem litt fleire bilder av kjøkenet, eller allromet. Det er utruleg deilig at ting begynner å kome på plass.






mandag 30. juli 2012

Garderobe

I helga har vi fått opp skap i walk-in-garderoba. Kjøpte PAX-garderobe på IKEA. Det var ganske enkelt og greit, og vi syns det blei eit bra resultat. Håper å få begynne å flytte inn kle snart no:) Det er kjekt å endelig få gjere litt "kose"-arbeid.

IKEA-montør;)




Related Posts Plugin for WordPress, Blogger...